При изборот на подно решение, покрај изгледот, издржливоста и начинот на одржување, сè почесто се зема предвид и неговото влијание врз животната средина. Но, што навистина значи еден под да биде одржлив?
Одржливоста не зависи само од материјалот од кој е направен подот. Важно е да се разгледаат неговиот состав, потеклото на суровините, животниот век, начинот на производство, како и можностите за рециклирање или повторна употреба по завршувањето на неговиот животен век.
Во продолжение издвојуваме неколку фактори кои треба да ги земете предвид при изборот на одржливо подно решение, а потоа ќе ви го претставиме Marmoleum – природно линолеумско решение од Forbo Flooring Systems.
Што го прави подот одржлив?
#1. Трајност на подното решение
Издржливоста е еден од важните фактори при изборот на одржливо подно решение. Колку подот има подолг животен век, толку поретко има потреба од замена, со што се намалуваат потрошувачката на нови материјали и создавањето отпад.
Кај комерцијалните простори ова е особено важно, бидејќи подните површини секојдневно се изложени на интензивно користење. Затоа, при изборот треба да се земат предвид отпорноста на подот, условите во просторот и неговите очекувани перформанси во текот на долгогодишната употреба.
#2. Составот и потеклото на материјалите
При изборот на одржливо подно решение, важно е да се погледне и неговиот состав. Природните и обновливи суровини можат да имаат значајна улога во намалувањето на влијанието на производот врз животната средина, особено кога се комбинирани со одговорно производство и долг животен век. Marmoleum е пример за подно решение кај кое составот е директно поврзан со неговите одржливи карактеристики. Forbo наведува дека Marmoleum е направен од до 98% природни суровини.
# 3. Рециклирање и крај на животниот век
При изборот на одржливо подно решение, важно е да се размислува и за тоа што се случува со материјалот откако ќе заврши неговиот животен век. Можноста за повторна употреба или рециклирање на подот и отпадот што се создава при неговата инсталација може да помогне во намалувањето на количината материјал што завршува како отпад.
Кај Marmoleum, Forbo применува циркуларен пристап и дел од отпадот од производството и инсталацијата се враќа во процесот на производство. Преку програмата „Back to the Floor“, отпадот од сечењето при инсталација се собира и се рециклира назад во нови Marmoleum производи. Според Forbo, ова придонесува кон удел од 43% рециклирана содржина во Marmoleum.
Marmoleum – природно и одржливо подно решение
Кога барате подно решение со природен состав и фокус на одржливоста, Marmoleum на Forbo Flooring Systems е една од опциите што вреди да се разгледа. Изработен е од природни и обновливи суровини, меѓу кои ленено масло, дрвени струганици, природна смола, јута и минерални суровини. Но, одржливоста на Marmoleum не се темели само на неговиот состав. Подот е дизајниран за долготрајна употреба, а неговата издржливост и безвременскиот дизајн овозможуваат да остане функционален и визуелно актуелен низ годините. Forbo наведува дека Marmoleum има гаранција од 10 години, додека неговиот очекуван животен век може да надмине 40 години.
Покрај својот природен состав, Marmoleum е дизајниран како издржливо подно решение за простори со различна фреквенција на користење. Површината е лесна за одржување, а широкиот избор на бои и дезени овозможува подот да се вклопи во различни ентериери – од канцеларии и образовни простори до здравствени и други комерцијални објекти. На овој начин, Marmoleum овозможува да се комбинираат практичноста и современиот дизајн со изборот на подно решение со природен состав и фокус на одржливоста.
Доколку барате одржливо подно решение за вашиот простор, разгледајте ја колекцијата Marmoleum на Forbo Flooring Systems и откријте ги достапните бои и дезени.
Тимот на Omnitec е тука да ви помогне при изборот на соодветното решение и да ве води низ целиот процес – од консултација и избор на материјал до професионална монтажа. Контактирајте нè и заедно пронајдете под кој одговара на потребите на вашиот простор.
