Rooftop bar and restaurant SkyCorner е проект лоциран во срцето на Охрид. За овој објект е избрана уникатна комбинација од винил и теписон, односно хибриден винил/теписон.

Хибридниот винил/теписон во ролни е производ на премиум производителот Forbo – Flotex. Овој тип на под ги обединува карактеристиките на винилот и теписонот, создавајќи подна површина со висока акустичност, пријатно и меко чувство при газење, висока издржливост и едноставно одржување.

Поставувањето на подот започна со нанесување на нивелирачка маса за фино израмнување на кошулката. Ролните од хибриден винил/теписон беа поставени со целосно лепење, како долгорочно решение и за постигнување максимална димензионална стабилност.

Одбраниот дезен на хибридниот винил/теписон е инспириран од самото Охридско Езеро, со што подното решение се вклопува во карактерот и амбиентот на просторот.

Вкупната поставена површина изнесува 150 m².

• Тип на објект: Угостителски објект
• Локација: Охрид
• Вид на поставен под: Хибриден винил/теписон во ролни FORBO Flotex
• Бенефити од поставен под: Акустичен комфор, пријатно чувство при газење, издржливост и лесно одржување
• Поставена површина: 150m2